nadashhassan59 's dagbok, 24 feb 21

لا بجد ارجعي تاني اوعي تسيبي نفسك احنا معاكي اهو وانت اكيد متحبيش ترجعي تذيدي كده انا مش عارفاكي بس محبش اشوف بطله وصلت لكل دا وتوقف تاني استمري وحطي أهداف جديده 

انا كنت ١٤٥بردو بقيت ١٠٠ خودي راحة شوية من الدايت بس مش معني كدا تبوظي ٣ اربع ايام وبعد كدا ارجعي للدايت تاني هتحسي بفارق كبير ف الميزان و المود بتاعك  

احنا كلنا بنلخبط مش انتى بس 🤔يعنى انا مثلا ليا عشره ايام موقفه كيتو بسبب مناسبات وخروجات عندى فمضطره غصب عنى أوقفه لانه مش زى اى رجيم طلما كلت اى حاجه زياده فى الكارب أو من الممنوعات بخرج على طول منه وافضل من ٣_٥ايام عشان ادخله تانى وده مش حينفع بسبب ظروفى الحاليه عشان كده وقفته ومنها استراحه عشان ارجع ابدأ من تانى انشاء الله بهمه كده فاانتى لو مودك وحش أو ظروفك ملخبطه أدى لنفسك فتره استراحه من الدايت وارجعى بعد كده كملى مافيش اى مشكله ده مش اخر الدنيا يعنى. اهم حاجه نفسيتك تبقي مرتاحه عشان تقدرى تكملى وتخسي صح. 

ربنا يقويكي وترجعي تظبطي ياما لغبطنا بس بنرجع تاني حطي هدفك امامك دوما 🌷 💪💪بالتوفيق  

ما شاء الله أنت قطعت شوط كبير، ومشيت مشوار طويل... كلنا بنزهق، ونلخبط، بس المهم نرجع ونكمل تاني، وأهم حاجة دايما افتكري كل الإيجابيات اللي حققتها لما نزل وزن في الصحة والشكل، عشان تقوي عزيمتك من جديد... أنا كمان بقا لي فترة بلخبط، إن شاء الله تكون بداية جديدة لي وليك  

و مين سمعك نفس العك و الله 

انا كمان بعك كتير اوي 

متقلقيش كلنا بنعك من وقت للثاني المهم بس نفكر اننا منضيعش اللي عملناه ونكمل من تاني لما نزهق وربنا يقويكي انتي بطلة 🌹💙👏 

اتشجعي 👏👏👏 استعيني بالله ربنا يوفقنا جميعا